വിരഹം....

പിരിയുവാനേറെ സമയമില്ലെന്നുഞാന്‍ പാതിവഴിയില്‍ തിരിഞ്ഞുനില്‍ക്കേ, ഒരു പുഞ്ചിരിപ്പൂവുനീട്ടി നീയെന്നുടല്‍, പിരിയാതെ ചേര്‍ത്തു പിടിക്കയാണോ... എരിയുന്ന നൊമ്പരത്തീക്കടല്‍ പേറുന്ന നെഞ്ചകത്തോടു നീ ചേര്‍ന്നുനില്‍ക്കേ, കുളിരാര്‍ന്ന മൊഴികളാല്‍ ചേര്‍ത്തുചേര്‍ത്തെന്നുടെ ഹൃദയം പകുത്തങ്ങെടുക്കയാണോ.. ചെറുനേരമെങ്കിലും ചേരാതിരിക്കുകില്‍ ഹൃദയം പൊടിയുന്നു കൂട്ടുകാരാ മിഴിനീര്‍ തുടച്ചുനീ തെളിവാര്‍ന്ന ചിത്തമോടരികേയ്ക്കു , ചുമലൊന്നു ചേര്‍ത്തുനിര്‍ത്തൂ...