ഐസ് ക്രീം വേണമെന്ന്
വാശിപിടിക്കുന്ന മകളോട്
അതിന്റെ ദോഷവശങ്ങളെക്കുറിച്ച്
പറഞ്ഞിട്ടും,
ഒരു കൂസലും ഇല്ല.
അവള്‍ ഈ കാലഘട്ടത്തിന്റെ
പ്രതിനിധി ആണത്രേ.
ഒരു തവണയെങ്കിലും
ഐസ് ക്രീം കഴിച്ചില്ലെങ്കില്‍
എന്താ ഒരര്‍ത്ഥം..
അത് കഴിച്ചാലുണ്ടാകുന്ന
ഗുണങ്ങളെപ്പറ്റി
വാതോരാതെ അവള്‍ പറഞ്ഞത്
കുറേശ്ശെ എനിക്കും മനസിലായി.
അമ്മേ.
"എതിര്‍ക്കുന്നതിലല്ല കാര്യം
ശേഷമുണ്ടാകുന്ന നേട്ടം
ഓര്‍ത്താല്‍...
ചേര തൊലിയുരിയുന്നത്
കണ്ടിട്ടില്ലേ?
പിന്നീട് പുതിയ തൊലി.
അത്രേയുള്ളൂ ഇതൊക്കെ..."
നേര് തന്നെ.
എനിക്കും എല്ലാം മനസിലായി.
പുഴയോരത്തൊരു വീടുവെക്കണം.
ഭാവിയില്‍
ഒരു പുഴ തന്നെ സ്വന്തമാകാന്‍
സാധ്യത കാണുന്നുണ്ട്.
