പെട്ടന്നാണ്...
കട്ടിലില്‍ നിന്ന് തറയിലേക്ക്
സ്ഥലം മാറ്റം കിട്ടിയത്.
അശുദ്ധിയാണ് പോലും.
മിണ്ടാതെ അനുസരിച്ചു.
പിന്നെപ്പിന്നെയാണ്
നിര്‍ദ്ദേശങ്ങളുടെ
രൂപവും, ഭാവവും മാറിയത്.
അവിടെ തൊടരുത്, എടുക്കരുത്,
അങ്ങോട്ട്‌ കയറരുത്...
പുറകേ നടന്നു മുത്തശ്ശി.
പ്രതിഷേധം ഉള്ളിലടക്കി.
എങ്കിലും...
ആരും അറിയാതെ, ശബ്ദിക്കാതെ..
ഞാന്‍ എനിക്കുതോന്നിയ ശരികള്‍
നടപ്പിലാക്കി വന്നു.
തൊടരുതെന്നു പറഞ്ഞയിടതെല്ലാം
നടന്നു തൊട്ടു.
എല്ലായിടവും കയറിയിറങ്ങി,
ആരുടേയും കണ്ണില്‍ പെടാതെ.
അതുകൊണ്ടാണോ എന്തോ..
ഭൂമി കുലുങ്ങിയില്ല.
വളരുംതോറും
പ്രതിഷേധത്തിന്റെ രീതിയും മാറി.
എന്താ തൊട്ടാല്‍?
മുത്തശ്ശി പുറത്തുതല്ലി
"നിഷേധി"
വിദ്യാഭ്യാസം വില തന്നപ്പോള്‍
ശക്തമായി പ്രതികരിച്ചു
ഇത്ര അശുദ്ധിയെങ്കില്‍
പെണ്‍കുഞ്ഞുങ്ങള്‍ ജനിക്കുമ്പോഴേ
അതിന്റെ ഉറവിടം നശിപ്പിക്കാം.
അശുദ്ധി ചുമക്കേണ്ടി വരില്ലല്ലോ..
ചൂണ്ടിയ വിരലുടമകള്‍ക്ക് മറുപടിയില്ല.
മുഖം തിരിച്ചവര്‍ പിറുപിറുത്തു.
"കുലംമുടിക്കാന്‍ പിറന്ന സന്തതി".
ഇങ്ങനെ മുടിയുന്ന കുലം
അതെനിക്ക് വേണ്ടാ.
കട്ടിലില്‍ നിന്ന് തറയിലേക്ക്
സ്ഥലം മാറ്റം കിട്ടിയത്.
അശുദ്ധിയാണ് പോലും.
മിണ്ടാതെ അനുസരിച്ചു.
പിന്നെപ്പിന്നെയാണ്
നിര്‍ദ്ദേശങ്ങളുടെ
രൂപവും, ഭാവവും മാറിയത്.
അവിടെ തൊടരുത്, എടുക്കരുത്,
അങ്ങോട്ട്‌ കയറരുത്...
പുറകേ നടന്നു മുത്തശ്ശി.
പ്രതിഷേധം ഉള്ളിലടക്കി.
എങ്കിലും...
ആരും അറിയാതെ, ശബ്ദിക്കാതെ..
ഞാന്‍ എനിക്കുതോന്നിയ ശരികള്‍
നടപ്പിലാക്കി വന്നു.
തൊടരുതെന്നു പറഞ്ഞയിടതെല്ലാം
നടന്നു തൊട്ടു.
എല്ലായിടവും കയറിയിറങ്ങി,
ആരുടേയും കണ്ണില്‍ പെടാതെ.
അതുകൊണ്ടാണോ എന്തോ..
ഭൂമി കുലുങ്ങിയില്ല.
വളരുംതോറും
പ്രതിഷേധത്തിന്റെ രീതിയും മാറി.
എന്താ തൊട്ടാല്‍?
മുത്തശ്ശി പുറത്തുതല്ലി
"നിഷേധി"
വിദ്യാഭ്യാസം വില തന്നപ്പോള്‍
ശക്തമായി പ്രതികരിച്ചു
ഇത്ര അശുദ്ധിയെങ്കില്‍
പെണ്‍കുഞ്ഞുങ്ങള്‍ ജനിക്കുമ്പോഴേ
അതിന്റെ ഉറവിടം നശിപ്പിക്കാം.
അശുദ്ധി ചുമക്കേണ്ടി വരില്ലല്ലോ..
ചൂണ്ടിയ വിരലുടമകള്‍ക്ക് മറുപടിയില്ല.
മുഖം തിരിച്ചവര്‍ പിറുപിറുത്തു.
"കുലംമുടിക്കാന്‍ പിറന്ന സന്തതി".
ഇങ്ങനെ മുടിയുന്ന കുലം
അതെനിക്ക് വേണ്ടാ.
No comments:
Post a Comment