ചുവപ്പ് നിറം

ചുവപ്പ് നിറത്തെ
അവള്‍ എന്നും
പ്രാണനെ പോലെ സ്നേഹിച്ചു.

ചുവപ്പിനെ കുറിച്ച്
അവള്‍ വാചാലയാകും
നോക്കൂ സുഹൃത്തേ,
ചുവപ്പിന്റെ ഭംഗി കണ്ടോ.
ചുവപ്പ് സ്നേഹമാണ് ..
എത്ര തീഷ്ണമാണത്
എവിടെയും
ശ്രദ്ധിക്കപ്പെടുന്നതും
ചുവപ്പല്ലേ.

ചുവപ്പ് സാരി,
ചുവന്ന പൊട്ട്,
ചുവന്ന കാറ്
ചുവന്ന ബൈക്ക്
എല്ലാം അവള്‍ സ്വന്തമാക്കി.

പെട്ടൊന്നൊരു ദിനം
ചുവപ്പ് നിറത്തോടൊപ്പം
കുറച്ചു മാംസ കഷണങ്ങളും
മുന്നില്‍ തെറിച്ചു വീണപ്പോള്‍
മുഖം പൊത്തി, അലറി
ബോധം കേട്ട് വീണവള്‍
ഉണര്‍ന്നപ്പോള്‍
പൊട്ടിക്കരഞ്ഞുപറഞ്ഞു
ചുവപ്പിനെ ഞാന്‍ വെറുക്കുന്നു
ഏറ്റവും കൂടുതല്‍...