സ്ത്രീധനം

എന്താണ് സൗന്ദര്യം
തൊലി വെളുപ്പോ
അഴകളവുകളോ
കടാക്ഷങ്ങളോ?

മനസിനാണ്
സൗന്ദര്യമെന്നു
പാടിപ്പുകഴ്ത്തുന്നവര്‍
സ്ത്രീധനത്തിനു തര്‍ക്കിക്കുന്നു..

മുന്നില്‍ നില്‍ക്കുന്ന
പെണ്‍കുട്ടിയെ ഇങ്ങനെ
തുറിച്ചു നോക്കുന്നതെന്തിന്
ഒരു കുറ്റവാളിയെ പോലെ?

മാറിനിന്നു നീ
വിലപേശുന്നതെന്താണ്
ഇത് ലാഭമോ നഷ്ടമോ..
വേണോ വേണ്ടയോ എന്നാവാം...

അറക്കാന്‍ വിധിക്കപ്പെട്ട
മാടിനെപ്പോലെ
അവളവിടെ
തന്റെ വിധിയും കാത്ത്

നാളെ നിന്റെ മകളും
മറ്റൊരാളിന് മുന്നില്‍
അറവു മാടിനെ പോലെ
സ്വന്തം വിധി തേടും...