നീ വരുമ്പോള്
പൂമരമൊഴുകുംപോലെ.
മനസ്സില് ഓര്മ്മകളുടെ
പെരുമണം പടര്ത്തി നീ.
തഴുകിക്കടന്നുപോകുമൊരു
കുളിര്ക്കാറ്റുപോലെ ഞാനും...
നീ ചിരിക്കുമ്പോള്
കൂടെയൊരു വസന്തം ചിരിക്കുന്നു.
ചന്ദ്രപ്രഭയാര്ന്ന
ധവളിമയോടെ,
നിന് ചിരിയിലലിഞ്ഞു ഞാനും...
നീ നോക്കുമ്പോള്
തീഷ്ണശരങ്ങളാല്
ചിത്രമെഴുന്നോ-
രര്ജ്ജുനനെപ്പോലെ
.
കൂര്ത്ത ശരങ്ങളാല്
ബന്ധിതനാക്കിയ
ഭീഷ്മരെപ്പോലെ ഞാനും...
നീ ചേര്ത്തുനിര്ത്തുമ്പോള്
മെല്ലെപ്പൊതിയുന്ന
മാമരം പോലെ
.
നിന്നില് ചുറ്റിപ്പടര്ന്നു
പൂക്കാന് കൊതിക്കുന്ന
തളിര്വള്ളി പോലെ ഞാനും...
