മിണ്ടാതിരിക്കുന്നതാണ് ഭംഗി.
ഒരു വശത്ത്
പേറ്റുനോവിന്റെ
കണക്ക് പറഞ്ഞുപറഞ്ഞ്
ഉമിനീര് വറ്റിയിട്ടും,
ഉറവ വറ്റാത്ത കണ്ണുകള്‍.
മറു വശത്ത്
ലാഭ നഷ്ടങ്ങളുടെ
കണക്കെടുപ്പ് നടത്തി,
നഷ്ടം മാത്രമെന്ന്-
വിലയിരുത്തി
നല്ല പാതി.
നിസ്സംഗതയുടെ
പേറ്റന്റ് തനിക്കെന്ന മട്ടില്‍
പാളവിശറി വീശി
ഈച്ചയെ ഓടിക്കുന്നു
ആയുധ നഷ്ടപ്പെട്ട
സൈന്യാധിപന്‍.
ടി വിയിലും, കമ്പ്യൂട്ടറിലും
ജീവിതം തിരയുന്ന
മകന്‍...
കറന്റുപോയാല്‍
മയക്കുമരുന്നിന-
ടിമപ്പെട്ടവനെപ്പോലെ
ചേഷ്ടകള്‍.
എല്ലാം കണ്ടിട്ടും
ഒന്നും മനസിലാകാതെ
ഞാനും.
മിണ്ടാതിരിക്കുന്നത്
തന്നെയാണ് ബുദ്ധി.
No comments:
Post a Comment