കണ്ണടവച്ച സൗഹൃദം.

എനിക്ക് കുറെ സൌഹൃദങ്ങളുണ്ട്.
പലതും കണ്ണട വെച്ചതാണ്.
ചിലത് അന്ധന്മാരുടെതു മാതിരി.

ചിലവ
ഒരു കണ്ണിന് കോണ്‍വെക്സും
മറ്റേതിന് കോണ്‍കേവും
വളഞ്ഞേ കാണൂ.

ചിലതോ...
വളരെ ഭംഗിയുള്ളത്.
ചിരിച്ചങ്ങനെ നില്‍ക്കും.
എവിടെയാണ് കുഴപ്പം..
തിരിച്ചറിയുക പ്രയാസം.

മറ്റു ചിലവ
കാണാന്‍ ഭംഗിയുണ്ടാവില്ല
എന്നാല്‍ അവയുടെ കാഴ്ച
ആഴത്തില്‍ പതിഞ്ഞിട്ടുണ്ടാവും.
വേര്‍തിരിച്ചെടുക്കല്‍
സാധ്യവും.

എന്തായാലും ഒരു കണ്ണട,
എനിക്കും തിരഞ്ഞെടുക്കണം.