കോപം.

ഇപ്പോഴും കൂടെയുണ്ട്.
ചിലപ്പോള്‍ പുറകെ.
മറ്റു ചിലപ്പോള്‍ മുന്നില്‍
വികൃതശരീരവും,അളിഞ്ഞ മുഖവും.
എപ്പോഴൊക്കെയോ-
തലയുയര്‍ത്തി നോക്കും,
പല്ലിളിച്ചു കാട്ടും.
ഇറക്കി വിടാന്‍ പറ്റില്ല
ഒതുക്കി നിര്‍ത്തുകയെ തരമുള്ളൂ
എന്തിനാണ്
നീയെന്നെ ഇങ്ങനെ
പിന്തുടരുന്നത്..
......................



സംശയം..


പുറകില്‍നിന്നു വിളിക്കരുതെന്ന്
മുത്തശ്ശി പറഞ്ഞിട്ടും
അമ്മേയെന്നലറി വിളിച്ചതുകൊണ്ടാവും
സ്വര്‍ഗ്ഗത്തിലേക്കുപോയ
എന്റമ്മ മടങ്ങി വരാത്തത്.