തിരിഞ്ഞൊന്നു നോക്കീടുക
ഒരിക്കല്‍ കൂടി നീ..
ചവിട്ടിക്കുഴച്ചു,
കടക്കുമാ പാതകള്‍
യൌവ്വനത്തിളപ്പിന്റെ
നശ്വരതയില്‍
നിന്നിളം കാലുകളി-
ടറാതിരിക്കുവാന്‍
തിരിഞ്ഞൊന്നു നോക്കീടുക...
മകനെ...,
തീവ്ര പ്രതീക്ഷയാല്‍
നിന്നെ വളര്ത്തുമീ -
യച്ഛനുമമ്മയും..
ഒരു ചെറുകാറ്റാലീ
നാളമണയാതെ
കരുതണം,ഓരോചുവടും
പിഴയ്ക്കാതെ നോക്കണം...
സൗഹൃദം
നന്നെന്നു കരുതണ-
മെങ്കിലും
അളക്കാന്‍ കഴിയണം,
നെല്ലും പതിരും.
ഒന്നിടറിയാല്‍ തിരികെ
വരുത്തുവാനാവില്ല നിന്നെ,
നിനക്കു നഷ്ടപ്പെടും...
നാളെ നീയോരച്ഛനാകും വരെ
അസഹ്യമായ്‌ തോന്നാമീ-
സ്നേഹക്കരുതലുകള്‍..
അന്നുനിന്നുള്ളം
പിടയ്ക്കുമിതുപോലെ..
നന്നായ്‌ വരിക നീ
ഗുരുത്വം കളയാതെ...
No comments:
Post a Comment