വാടാതെ സൂക്ഷിക്കാം എനിക്കായി നീ തന്ന
സ്നേഹനിലാവിന്‍ നറുമലര്‍ച്ചെണ്ടുകള്‍
തീരാതെ ഞാന്‍ കാത്തുവെയ്ക്കാം എനിക്കായി-
നല്‍കിയ, തീഷ്ണ മിഴിക്കോണിന്‍ സ്വപ്‌നങ്ങള്‍...
കാണുവാനാശിപ്പതില്ല ഞാന്‍ നിന്നുടെ,
തീവ്ര വിരഹ, വിഷാദ മിഴിപ്പൂക്കള്‍.
ഓര്‍മ്മയിലെന്നും ഞാന്‍ സൂക്ഷിക്കാം നിന്നുടെ
ചുടുചുംബനത്തിന്റെ ഊഷ്മള രേണുക്കള്‍
മാറാല മൂടിയ കല്പടവിന്‍ ചാരെ,
ശൂന്യ നിഗൂഡമാം കല്‍മണ്ഡപങ്ങളില്‍
പരിരംഭണത്തിന്റെ കോള്‍മയിര്‍പ്പൂക്കളാല്‍
മൂടട്ടെ ഞാന്‍ നിന്റെ സ്നേഹ വികാരങ്ങള്‍..
നിറമാര്‍ന്ന സ്വപ്നത്തിന്‍ പങ്കായമൂന്നി ഞാന്‍
തുഴയുന്നു ജീവിത നൌകാ.....
തുഴയുന്നു ജീവിത നൌക.
jeevitha nouka thuzhanju pokoo....
ReplyDelete